Dysleksivenleg skule

Godkjenninga som dysleksivenleg skule inneber at skulen har eit system for kartlegging, tiltak og oppfølging når det gjeld lese- og skrivevanskar blant elevane.

Voss vgs vil skapa eit inkluderande og støttande læringsmiljø der alle elevar får moglegheit til å utvikla seg og meistra for å nå sitt fulle potensial.

Hjelpemiddel og rettar ved prøvar og eksamen 

Elevar med lese- og skrivevanskar har rett på ulike hjelpemiddel tilpassa deira individuelle behov. Dette kan for eksempel vera digitale lærebøker/lydbøker og hjelpemiddel for lese- og skrivehjelp som Lingdys Pluss.

Tilrettelegging ved eksamen

Har du behov for særskilt tilrettelegging av eksamen eller prøvar, må du søkja om dette.
Særskilt tilrettelegging ved eksamen kan vera blant anna:

• utvida tid
• opplesing av oppgåve
• forstørra skrift
• lydfil
• utvida ordrettingsprogram
  
  

Du kan lesa meir om lese- og skrivevanskar hjå Dysleksi Norge.